सिंधुदुर्ग ते भाग्यनगर आठवड्यातून ३ वेळा विमानसेवा

सिंधुदुर्ग – ‘फ्लाय ९१’ या विमानसेवा देणार्‍या आस्थापनाने चिपी (जिल्हा सिंधुदुर्ग) ते भाग्यनगर (हैदराबाद) विमानसेवा चालू केली आहे. आठवड्यातून ३ वेळा ही सेवा उपलब्ध असणार आहे. या सेवेचा लाभ अधिक करून तिरुपती (आंध्रप्रदेश) येथे तीर्थयात्रेला जाणार्‍यांना होणार आहे. सिंधुदुर्ग ते बेंगळुरू अशी विमानसेवा या आस्थापनाने यापूर्वी चालू केली असून आता भाग्यनगरसाठी सेवा चालू केली आहे. सिंधुदुर्ग ते भाग्यनगर या ६२४ कि.मी. अंतराचा १५ घंट्यांत होणारा प्रवास विमानसेवेमुळे १ घंटा २५ मिनिटांत होऊ शकणार आहे.