माझ्या जिवाला धोका ; सुरक्षा पुरवा ! – नेहाच्या वडिलांची मागणी

हुब्बळ्ळी (कर्नाटक) – माझ्या जिवाला धोका आहे. माझ्यासह माझ्या कुटुंबाला शासनाने सुरक्षा पुरवावी’, अशी मागणी जिहाद्यांकडून हत्या झालेल्या नेहा हिरेमठ हिचे  वडील निरंजन हिरेमठ यांनी पत्रकारांशी बोलतांना केली.

श्री. हिरेमठ पुढे म्हणाले की, नेहाची हत्या ही राष्ट्रीय स्तरावरील बातमी झाली असल्याने अनेक जण सांत्वन करण्यासाठी घरी येत आहेत. यामध्ये काही संशयास्पद व्यक्ती आढळून आल्या आहेत. अशा व्यक्तींकडून माझ्या जिवाला धोका आहे. नेहाची हत्या करण्यापूर्वी आरोपी फैयाज हा त्याच्या मित्रांसह आमच्या घराभोवती फिरला होता. नेहाला भ्रमणभाष करून जिवे मारण्याची धमकी त्याने दिली होती. यापूर्वी त्याने तिचे अपहरण करण्याचादेखील प्रयत्न केला होता. हे एक सुनियोजित कृत्य होते.