४५ दिवस होऊनही मुख्य आरोपी महंत चिलोजीबुवा गुरु हमरोजीबुवा पसारच !

श्री तुळजाभवानीदेवीचे प्राचीन दागिने गहाळ झाल्याचे प्रकरण 

धाराशिव – श्री तुळजाभवानीदेवीच्या प्राचीन मौल्यवान दागिन्यांच्या चोरीच्या प्रकरणात २० डिसेंबर २०२३ या दिवशी तुळजापूर पोलीस ठाण्यात गुन्हा नोंद करण्यात आला होता. या गुन्ह्यात मुख्य आरोपी महंत चिलोजीबुवा गुरु हमरोजीबुवा हे आहेत. गुन्हा नोंद झाल्यापासून दीड महिना उलटला, तरी महंत चिलोजीबुवा हे अद्याप पसारच आहेत. मधल्या काळात त्यांनी जिल्हा न्यायालयात अटकपूर्व जामिनासाठी आवेदन दाखल (प्रविष्ट) केले होते. ते फेटाळण्यात आले. त्यामुळे इतक्या कालावधीनंतर पोलिसांना महंत चिलोजीबुवा कसे काय सापडत नाहीत ? त्यांना कुणी वाचवण्याचा प्रयत्न करत आहे का ? असाही प्रश्‍न भाविकांच्या मनात उपस्थित होत आहे.