सातारा येथे छत्रपती संभाजी महाराज यांचे स्मारक उभारणार ! – खासदार श्रीमंत छत्रपती उदयनराजे भोसले

सातारा, १९ ऑक्टोबर (वार्ता.) – संपूर्ण देशाला सार्थ अभिमान वाटेल, असे छत्रपती संभाजी महाराज यांचे भव्य स्मारक येथे उभारण्यात येणार आहे. या स्मारकाच्या माध्यमातून छत्रपती संभाजी महाराज यांच्या अष्टपैलू गुणांची प्रचीती येईल, तसेच देश-विदेशांतील पर्यटकही आकर्षित होतील. मर्यादित वेळेत उभारण्यात येणार्‍या या स्मारकात छत्रपती संभाजी महाराज यांची भव्य मूर्ती आणि विविध शिल्पाकृती उभारण्यात येणार आहेत, अशी माहिती छत्रपती संभाजी महाराज स्मारक समितीचे अध्यक्ष भाजपचे खासदार श्रीमंत छत्रपती उदयनराजे भोसले यांनी दिली.

खासदार उदयनराजे भोसले या वेळी म्हणाले की, स्मारकाचे आराखडे, संकल्पचित्रे याविषयी सातारा नगर परिषदेने निविदा मागवाव्यात, तसेच अन्य स्पर्धात्मक किंवा प्रोत्साहनात्मक उपक्रम राबवावेत. स्मारक आणि सभोवतालच्या परिसराविषयी नागरिकांनी विशेषतः इतिहासतज्ञांनी योग्य त्या सूचना कराव्यात.