मराठा समाजाच्या वतीने ११ सप्टेंबरला ‘ठाणे बंद’ची हाक !

ठाणे, ९ सप्टेंबर (वार्ता.) – जालना येथे मराठा समाजावर झालेल्या लाठीमाराच्या घटनेचा निषेध म्हणून राज्य सरकारचा विरोध करण्यासाठी आणि मराठा समाजाला आरक्षण देण्याच्या मागणीसाठी सकल मराठा मोर्चाच्या वतीने ११ सप्टेंबर या दिवशी ठाणे बंद पुकारला आहे. या संदर्भात ठाणे येथील शासकीय विश्रामगृह येथे बैठक पार पडली. बैठकीत ठाणे बंद करण्याचा निर्णय एकमताने घेण्यात आला आहे. विविध राजकीय पक्षांशी संबंधित मराठा समाजाच्या संस्था आणि संघटना यांनी बंदला पाठिंबा दर्शवला आहे, अशी माहिती ‘सकल मराठा मोर्चा’चे ठाणे अध्यक्ष रमेश आंब्रे यांनी दिली.