पनवेल आणि भिवंडी येथून भांगमिश्रित पदार्थांचा साठा जप्त !

ठाणे – विविध ‘ब्रँड’च्या छोट्या मोठ्या प्लास्टिकच्या पिशव्यांमधून भांगमिश्रित पदार्थांची साठवणूक आणि विक्री करणार्‍यांवर उत्पादन शुल्क विभागाच्या राज्य भरारी पथकाने पनवेल आणि भिवंडी येथे धाड घालून कारवाई केली आहे. या कारवाईत ४ वाहनांसह १ कोटी ७३ लाख ९५ सहस्र ३७३ रुपये किमतीचा मुद्देमाल जप्त करण्यात आला आहे. या प्रकरणी सेफ ट्रान्सपोर्ट आस्थापनाचे व्यवस्थापक धर्मेंद्र शर्मा आणि विशाल चौरसिया यांना अटक करण्यात आली आहे. (समाजाला नशेच्या गर्तेत ढकलणार्‍यांवर कठोर कारवाई करायला हवी. – संपादक)