केपे, २७ ऑगस्ट (वार्ता.) केपे सार्वजनिक गणेशोत्सव मंडळाने २७ ऑगस्ट या दिवशी गणेशोत्सव सोडत कूपन विक्री चालू केली. शुभारंभप्रसंगी लोकांची प्रचंड गर्दी उसळली. गर्दीमुळे गोंधळ उडाला. सोडत कूपन खरेदीसाठी पहाटे ५ वाजल्यापासून लोक रांगेत उभे होते. कूपन विक्रीचा शुभारंभ झाल्यानंतर लोकांनी प्रवेशद्वार तोडून आत प्रवेश केला. या गोंधळात प्रवेशकक्षही मोडले. गर्दी आवरणे कठीण होऊन परिस्थिती हाताबाहेर गेल्याने पोलीस आणि उपजिल्हाधिकारी यांना पाचारण करण्यात आले. यानंतर आयोजकांनी वार्षिक सोडत कूपन विक्री २८ ऑगस्ट या दिवशी सकाळी ९ वाजेपर्यंत पुढे ढकलली.
सोडत कूपन विक्रीच्या शुभारंभप्रसंगी समाजकल्याणमंत्री सुभाष फळदेसाई, सा.बां.मंत्री नीलेश काब्राल, खासदार तथा भाजपचे अध्यक्ष सदानंद शेट तानावडे, केपेचे आमदार अ‍ॅल्टन डिकोस्ता आदींची उपस्थिती होती. पोलीस निरीक्षक दीपक पेडणेकर म्हणाले, ‘‘गर्दीमुळे लोकांचा जीव धोक्यात येऊ शकतो म्हणून त्यावर उपाययोजना करण्यात आली.’’
संपादकीय भूमिकासार्वजनिक गणेशोत्सव मंडळांचे व्यावसायीकरण झाले आहे. लोक स्वलाभासाठी सोडत खरेदीसाठी गर्दी करत आहेत. |
विकासाच्या संतुलनाच्या आधारावर नवीन भारताचे निर्माण करणे हेच भाजपचे स्वप्न ! – नितीन गडकरी
५ मे या दिवशी उंच लाटा येण्याची शक्यता
‘कोल्हापूर वॉकर्स कोल्हापूर’च्या वतीने मतदान जागृती फेरी !
श्री क्षेत्र भीमाशंकर येथे महारुद्र स्वाहाकार आणि अखंड हरिनाम सप्ताह उत्साहात साजरा !
‘डिपफेक’ विरोधात पोलिसांकडे त्वरित तक्रार करा ! – महाराष्ट्र पोलीस
वरुथिनी एकादशीला दर्शन घेणार्या वारकर्यांना दर्शन रांगेत कडक उन्हातून दर्शन घेण्याची वेळ !