सोलापूर, १८ जून (वार्ता.) – विश्व हिंदु परिषद, बजरंग दल यांच्या गोरक्षकांनी १६ जून या दिवशी ७ गोवंशियांचे प्राण वाचवले. गोरक्षकांनी भाग्यनगर रस्ता येथे थांबून पोलिसांच्या साहाय्याने गोवंशीय असलेले वाहन पकडले. वाहनाची पहाणी केली असता ७ गोवंशियांना दाटीवाटीने क्रूरपणे कोंबून भरल्याचे निदर्शनास आले. गोरक्षकांनी वाहनचालकाकडे चौकशी केली असता चालकाने संबंधित गोवंश कत्तलीसाठी समीर सौदागर यांच्याकडे घेऊन जात असल्याचे सांगितले. प्राण वाचवण्यात आलेल्या सर्व गोवंशियांना पोलिसांच्या साहाय्याने अहिंसा गोशाळा येथे सोडण्यात आले. बजरंग दलाचे गोरक्षा विभागाचे जिल्हाप्रमुख प्रशांत परदेशी यांनी ही कारवाई विश्वविख्यात संत प्रदीपजी मिश्रा महाराज यांच्या जन्मदिनी त्यांच्या पुण्यकार्याला समर्पित करत असल्याचे सांगितले. ही कारवाई यशस्वी करण्यासाठी विश्व हिंदु परिषद, बजरंग दलाचे शहर अध्यक्ष अविनाश कैय्यावाले, तसेच गोरक्षक सर्वश्री पवनकुमार कोमटी, सतीश सिरसिल्ला, वीरू मंचाल, पवन बल्ला, सूरज भोसले आदींचे सहकार्य लाभले.
सनातन प्रभात > Location > आशिया > भारत > महाराष्ट्र > सोलापूर येथील गोरक्षकांनी वाचवले ७ गोवंशियांचे प्राण !
सोलापूर येथील गोरक्षकांनी वाचवले ७ गोवंशियांचे प्राण !
नूतन लेख
- एरंडोली (सांगली) येथे हेलिकॉप्टरचे इमर्जन्सी लँडिंग
- आमच्या कार्यकर्त्यांना पोलिसांकडून सभेला न जाण्याच्या नोटिसा ! – डॉ. अमोल कोल्हे
- धुळे येथे वंचित बहुजन आघाडीचे उमेदवार अब्दुल रहमान यांचे उमेदवारी आवेदन अवैध !
- नागपूर येथे भूकंपाचे सौम्य धक्के; २.५ रिश्टर स्केल भूकंपाची नोंद !
- जळगाव येथे बनावट देशी मद्याचे उत्पादन करणारा कारखाना प्रशासनाकडून उद्ध्वस्त !
- पुणे येथे बसमध्ये अश्लील चित्रफीत दाखवून धर्मांधाकडून तरुणीचा विनयभंग !