मंत्रालयाच्या शासकीय पत्रांवर बोधचिन्हासह येणार ‘जनहिताय सर्वदा’ हे घोषवाक्य !

मुंबई, १० जानेवारी (वार्ता.) – मंत्रालयाचा प्रशासकीय विभाग, तसेच त्यांच्या अधीनस्थ क्षेत्रीय कार्यालये यांच्याकडून निर्गमित होणार्‍या पत्रांवर यापुढे ‘मंत्रालयीन सेवा- महाराष्ट्र शासन’ असे लिखाणाच्या बोधचिन्हासह ‘जनहिताय सर्वदा’ हे घोषवाक्य असणार आहे. याविषयी १० जानेवारी या दिवशी शासन आदेश काढण्यात आला आहे. ‘मंत्रालयीन प्रशासकीय सेवांचे बोधचिन्ह आणि घोषवाक्य सेवेतील सदस्यांना प्रेरणा देण्याचे आणि कार्याप्रती निष्ठा निर्माण करण्याचे कार्य करत असते’, असे आदेशात नमूद करण्यात आले आहे.