बार्शी (जिल्हा सोलापूर) येथे फटाक्यांच्या कारखान्यात भीषण स्फोट

३ जणांचा मृत्यू, तर ४ जण घायाळ

बार्शी (जिल्हा सोलापूर) – बार्शी तालुक्यातील पांगरी गावाजवळ १ जानेवारी या दिवशी फटाके सिद्ध करण्यात येणार्‍या कारखान्यामध्ये काम चालू असतांना भीषण स्फोट झाला. यात ३ जण जागीच ठार झाले, तर ४ जण गंभीर घायाळ झाले आहेत. घायाळ झालेल्यांवर उपचार चालू आहेत. या कारखान्यामध्ये १० कर्मचारी काम करत होते, अशी प्राथमिक माहिती समोर आली आहे. घटनेची माहिती मिळताच अग्नीशमनदलाने आग आटोक्यात आणण्याचा प्रयत्न करण्यास प्रारंभ केला. घटनास्थळी पोलीस आणि प्रशासन, तहसीलदार यांनीही येऊन पहाणी केली.