६४ टक्के आध्यात्मिक पातळी असलेले श्री. निरंजन चोडणकर यांच्याकडून साधिकेला शिकायला मिळालेली सूत्रे

श्री. निरंजन चोडणकर यांच्याकडून साधिका कु. मानसी तिरविर यांना शिकायला मिळालेली सूत्रे पुढे दिली आहेत.

१. साधनेत साहाय्य करणे

‘एखाद्या वेळी मला निराशा येते किंवा ताण येतो आणि माझ्या मनाचा संघर्ष होतो, तेव्हा निरंजनदादा स्वतःहून माझ्याशी बोलायला येतात. ते मला सांगतात, ‘‘निराश होऊन किंवा ताणात राहून साधनेचा वेळ वाया घालवण्यापेक्षा कुणाशी तरी बोलून घे. त्यामुळे तुझ्या साधनेला योग्य दिशा मिळेल. आता साधनेसाठी वेळ अत्यल्प आहे. आपल्याला विचारात राहून वेळ वाया घालवायचा नाही. तुला ‘निराशा आली आहे’, हे तुझ्या लक्षात आले, म्हणजे तू त्यावर मातही करू शकतेस.’’ त्यांच्या बोलण्यामुळे माझे मन शांत होते. दादांना ‘प्रत्येक साधक साधनेत लवकर पुढे जावा’, असे वाटत असते.

२. गुरूंप्रती भाव

दादा म्हणतात, ‘‘नेहमी गुरुदेवांच्या (परात्पर गुरु डॉ. आठवले यांच्या) अनुसंधानात रहायचे.’’ ते सतत गुरूंशी सूक्ष्मातून बोलत असतात.

३. वर्तमानकाळात आणि आनंदी रहाणे

ते सतत वर्तमानकाळात रहातात. दादा नेहमी आनंदी आणि शरणागतभावात असतात.’

– कु. मानसी तिरविर (वय १८ वर्षे), सनातन आश्रम, रामनाथी, गोवा. (९.१.२०२२)