कन्हैयालाल यांच्या हत्येचा निषेध करत कल्याण येथे आंदोलन !

ठाणे, ४ जुलै (वार्ता.) – उदयपूर येथे कन्हैयालाल यांची गळा चिरून निर्घृण हत्या करणाऱ्यांना फाशी, तसेच त्यांना साहाय्य करणाऱ्यांवर कठोर कारवाई करावी, अशी मागणी करत ३ जुलै या दिवशी कल्याण येथील हिंदुत्वनिष्ठांनी आंदोलन केले. या वेळी विविध घोषणा देण्यात आल्या. हिंदुत्वनिष्ठांनी कन्हैयालाल यांना श्रद्धांजली अर्पण केली.