कोल्हापूर येथे वादळी वाऱ्यासह गारांचा अवकाळी पाऊस !

कोल्हापूर, २९ एप्रिल (वार्ता.) – गेल्या काही दिवसांपासून उन्हाळ्यामुळे त्रस्त झालेल्या कोल्हापूरकरांना अवकाळी पावसाने दिलासा दिला. सायंकाळी ५ नंतर शहरात विजांच्या कडकडाटासह, तसेच वादळी वाऱ्यासह गारांचा पाऊस झाला. वाऱ्याचा वेग इतका प्रचंड होता की, सर्वत्र धुळीचे साम्राज्य होते, तर अनेक ठिकाणी झाडांच्या फांद्या तुटल्या. अचानक आलेल्या पावसाने कोल्हापूरकरांची मात्र त्रेधा-तिरपिट उडाली. सध्या तापमानात प्रचंड वाढ झाली असून पारा ४० अंश सेल्सिअसपर्यंत पोचला आहे. अचानक आलेल्या पावसाने काही प्रमाणात गारवा निर्माण झाला.