छत्रपती शिवरायांचे नुसते पुतळे उभे करून चालणार नाही, तर त्यांचे विचार आत्मसात् करावे लागतील ! – नाना पाटेकर, अभिनेते

पुणे – छत्रपती शिवाजी महाराजांचे पुतळे उभे केल्यानंतर आपले दायित्व वाढते. छत्रपती शिवरायांचे नुसते पुतळे उभे करून चालणार नाही, तर आपल्याला महाराजांचे विचार आत्मसात् करावे लागतील, असे मत अभिनेते नाना पाटेकर यांनी येथील बाणेरमध्ये छत्रपती शिवाजी महाराजांच्या स्मारकाच्या अनावरण सोहळ्यात पत्रकारांशी बोलतांना मांडले. छत्रपती शिवाजी महाराजांच्या विचारांचा उपयोग काही राजकीय आणि विद्वान मंडळी स्वतःच्या लाभासाठी करत आहेत, त्याकडे लक्ष देऊ नका, असे आवाहनही त्यांनी केले.