नगर येथे शिवजयंतीला मिरवणूक आणि इतर कार्यक्रमांना बंदी !

नगर – राज्यात कोरोनाविषयक निर्बंध शिथिल केले आहेत; परंतु १९ फेब्रुवारी या दिवशी साजर्‍या होणार्‍या शिवजयंतीला मिरवणुका, प्रभात फेरी, वाहन रॅली (फेरी), तसेच इतर कोणत्याही मोठ्या कार्यक्रमांना अनुमती दिली नाही. शिवजयंतीविषयी राज्य सरकारने मार्गदर्शक सूचनाही जारी केल्या आहेत, अशी माहिती जिल्हा प्रशासनाने दिली आहे; मात्र आरोग्यविषयक उपक्रम आणि शिबिरे घेण्यास प्राधान्य द्यावे, असेही सांगण्यात आले. शिवज्योत दौडमध्ये २०० कार्यकर्त्यांना तसेच शिवजयंतीकरिता ५०० जणांना अनुमती देण्यात आली आहे; मात्र गडदुर्गांवर मध्यरात्री जाऊन शिवजयंती साजरी करण्यास मज्जाव करण्यात आला आहे.