सनातन प्रभात > Location > आशिया > भारत > जम्मू कश्मीर > काश्मीर सीमेवरून भारतात घुसखोरी करणारे ३ पाकिस्तानी तस्कर ठार !

काश्मीर सीमेवरून भारतात घुसखोरी करणारे ३ पाकिस्तानी तस्कर ठार !

१८० कोटी रुपयांचे ३६ किलो हेरॉईन जप्त !

श्रीनगर – पाकमधील अमली पदार्थांची भारतात तस्करी करू पहाणार्‍या घुसखोरांचा प्रयत्न सीमा सुरक्षा दलाच्या सैनिकांनी जम्मू-काश्मीरमध्ये नियंत्रणरेषेजवळ हाणून पाडला. येथील सांबा सेक्टरमध्ये ५ फेब्रुवारीच्या रात्री पाकचे ३ घुसखोर भारतात घुसण्याचा प्रयत्न करत असतांना सीमा सुरक्षा दलाच्या सैनिकांनी त्यांना ठार केले. यानंतर परिसरात मोठ्या प्रमाणावर शोधमोहीम राबवण्यात येत आहे. त्यांच्याकडून ३६ किलो हेरॉईन जप्त करण्यात आले. या हेरॉईनची किंमत १८० कोटी रुपये आहे. जानेवारी मासामध्ये सुरक्षादल आणि आतंकवादी यांच्यामध्ये ११ चकमकी झाल्या आहेत. यांमध्ये २१ आंतकवादी ठार झाले आहेत. गेल्या २ मासांत जम्मू-काश्मीरमध्ये ९ पाकिस्तानी आतंकवादी मारले गेले आहेत.

नूतन लेख