२१ वर्षे दुर्लक्षित असलेल्या घोडमाळ (जिल्हा पालघर) येथील रस्त्याची त्वरित दुरुस्ती करावी !

वीरसेनेची खासदार राजेंद्र गावित यांच्याकडे निवेदनाद्वारे मागणी !

गावकर्‍यांच्या मागणीकडे प्रशासन लक्ष देईल का ? – संपादक 

पालघर – जिल्ह्यातील घोडमाळ (वाडा) गावापासून ते नदीपर्यंतचा रस्ता गेल्या २१ वर्षांपासून दुरुस्त करण्यात आलेला नाही. त्यामुळे गावकर्‍यांची पुष्कळच गैरसोय होत आहे. रस्ता कच्चा असल्यामुळे वाहनेसुद्धा गावात येण्यास त्रास होत आहे. यामुळे ज्येष्ठ नागरिकांना, गरोदर महिलांना, लहान मुलांना पुष्कळ त्रास होत आहे. लोकांना कामावर जाण्यासाठी रोजच तारेवरची कसरत करावी लागते. रस्त्याची दुरवस्था एवढी आहे की, जनावरेसुद्धा चालता चालता पडतात. तरी या गंभीर परिस्थितीचा आणि सामान्य जनतेचा विचार करून हा रस्ता तात्काळ खडीकरण अन् डांबरीकरण करून दुरुस्त करावा, अशी मागणी खासदार राजेंद्र गावित यांच्याकडे वीरसेनेचे अध्यक्ष श्री. निरंजन पाल यांनी केली आहे.