देहली येथे हिंदु युवकाचा मृतदेह झाडाला लटकलेल्या स्थितीत आढळला !

मुसलमान प्रेमिकेच्या कुटुंबियांनी हत्या केल्याचा मुलाच्या कुटुंबियांचा आरोप

या प्रकरणाची सखोल चौकशी होऊन सत्य समोर येणे आवश्यक आहे. जर हिंदु युवकाची धर्मांधांकडून हत्या झाली असेल, तर त्यांच्यावर कठोर कारवाई होणे आवश्यक ! – संपादक

देहली – येथील हैदरपूर परिसरात रहाणार्‍या १७ वर्षीय आलोक कुमारचा मृतदेह झाडाला लटकलेल्या स्थितीत आढळून आला. ‘मुसलमान मुलीच्या कुटुंबियांनी आमच्या मुलाला मारून त्याचा मृतदेह झाडावर लटकवला’, असा आरोप मृत मुलाच्या कुटुंबियांनी केला आहे. पोलिसांनी प्राथमिक चौकशीमध्ये याला आत्महत्या म्हटले आहे. या घटनेच्या विरोधात हिंदुत्वनिष्ठ संघटनांनी आंदोलन केले असून आलोक कुमार याला न्याय देण्याची मागणी केली आहे.

१. प्रसारमाध्यमांमध्ये प्रसारित झालेल्या माहितीनुसार, आलोक याचे एका मुसलमान मुलीशी प्रेमसंबंध होते. त्या मुलीच्या कुटुंबाचा या संबंधाला विरोध होता.

२. आलोकचे वडील हरिराम यांनी सांगितले की, त्यांचा मुलगा १७ सप्टेंबरपासून बेपत्ता होता. त्या मुलीने आलोकला तिच्या घरी बोलावले होते. तेव्हा तिने त्याला भ्रमणभाष संच घरीच ठेवून येण्यास सांगितले होते. ‘आलोकने त्याच्या कुटंबाला सोडून त्यांच्या मुलीशी लग्न करावे’, असे मुलीच्या कुटुंबियांचे म्हणणे होते; मात्र आलोकला ते मान्य नव्हते.

३. ज्या दिवशी आलोक बेपत्ता झाला, त्याच दिवशी मुलीच्या वडिलांनी आलोकला धडा शिकवण्याची धमकी दिली होती, असेही समजते.