कोरोना संसर्गाच्या पार्श्वभूमीवर श्री गणपति पंचायतन संस्थानचा उत्सव साध्या पद्धतीने होणार ! – जयदीप अभ्यंकर

सांगली, ८ सप्टेंबर – कोरोना संसर्गाच्या पार्श्वभूमीवर श्री गणपति पंचायतन संस्थानचा उत्सव साध्या पद्धतीने होणार आहे. १० सप्टेंबर या दिवशी सकाळी १० वाजता श्रीमंत विजयसिंहराजे पटवर्धन यांच्या हस्ते दरबार हॉल येथे श्री गणेशाची प्रतिष्ठापना करण्यात येणार आहे. या प्रसंगी कोणतीही मिरवणूक, वाजंत्री, तसेच अन्य कोणताही लवाजमा असणार नाही.

‘१४ सप्टेंबर या दिवशी दुपारी ४ वाजता श्री गणेशमूर्तीचे विसर्जन राज परिवाराच्या उपस्थितीत साधेपणाने होणार आहे’, अशी माहिती संस्थानचे व्यवस्थापक जयदीप अभ्यंकर यांनी दिली. ‘भाविकांनीही दरबार हॉल, गणपति मंदिर आणि सरकारी घाट येथे विसर्जनप्रसंगी गर्दी करू नये’, असे त्यांनी म्हटले आहे.