पुणे मेट्रोचे उद्घाटन पंतप्रधान मोदी यांच्या हस्ते होणार ! – देवेंद्र फडणवीस

पुणे – राज्याचे उपमुख्यमंत्री आणि पुण्याचे पालकमंत्री अजित पवार यांनी पुणे मेट्रोच्या ‘ट्रायल रन’चे उद्घाटन केले; मात्र त्यानंतर पुणे मेट्रोच्या श्रेयवादावरून आरोप-प्रत्यारोप झाले. माजी मुख्यमंत्री आणि विरोधी पक्ष नेते देवेंद्र फडणवीस यांनी पुणे मेट्रोचे उद्घाटन पंतप्रधानांच्या मोदींच्या हस्ते होणार आहे, असे मत व्यक्त केले. मेट्रोच्या कामात केंद्र सरकारचा मोठा वाटा असल्याने मेट्रोचे काम पूर्ण झाल्यानंतर त्याचे उद्घाटन पंतप्रधान नरेंद्र मोदींच्या हस्ते व्हावे अशी सर्वांची इच्छा असल्याचे त्यांनी सांगितले.