जमशेदपूर येथे मंदिरामध्ये येशूची प्रतिमा लावल्यामुळे तणाव !

हिंदुत्वनिष्ठ नेत्याने बैठक घेऊन जाणीव करून दिल्यावर प्रतिमा काढली !

देशात एखादे चर्च किंवा मशीद येथे हिंदूंच्या देवतांची मूर्ती किंवा प्रतिमा लावल्याचे कुणी पाहिले आहे का ? हिंदूंना धर्मशिक्षण नसल्यामुळेच त्यांच्याकडून मंदिरात अन्य पंथियांच्या देवतेची प्रतिमा लावण्यासारखी चुकीची कृती होते ! – संपादक 

जमशेदपूर (झारखंड)- येथील बिष्टपूर गुरुद्वारा वस्तीतील राधाकृष्ण मंदिरामध्ये येशू ख्रिस्ताची प्रतिमा लावल्यामुळे तणाव निर्माण झाला. मंदिरात येशूची प्रतिमा लावल्याचे लक्षात येताच हिंदू संतप्त झाले. त्यामुळे पोलिसांना सूचना देण्यात आली. दुसर्‍या दिवशी येशूची प्रतिमा लावणार्‍या व्यक्तीचा शोध घेण्यासाठी बैठक आयोजित करण्यात आली होती. या बैठकीमध्ये भारतीय जनता युवा मोर्चाचे नेते गौतम प्रसाद यांनी मंदिराच्या संचालकांशी चर्चा केली. तेव्हा मंदिरातील एका संचालकाने ही प्रतिमा लावल्याचे मान्य केले. त्यानंतर त्याने तात्काळ ही प्रतिमा काढली.