शेवगाव येथे योगतज्ञ प.पू. दादाजी वैशंपायन यांची जयंती मंगलमय वातावरणात साजरी !

शेवगाव (नगर) – शेवगावच्या श्रीदत्त देवस्थानचे आधारस्तंभ तथा कल्याण निवासी अष्टांग योगतज्ञ प.पू. दादाजी वैशंपायन यांची १०२ वी जयंती बुद्धपौर्णिमेच्या शुभपर्वणीला मोजके साधक आणि दत्तभक्त यांच्या उपस्थितीत मंगलमय वातावरणात साधेपणाने साजरी करण्यात आली. योगतज्ञ प.पू. दादाजींच्या चांदीच्या पादुकांवर उपस्थित साधकसमूह आणि भक्त यांच्या हस्ते एकादस्नी रुद्राभिषेक घालण्यात आला. या वेळी सामुदायिक मंत्रपठणही झाले. श्री. तुकाराम चिक्षे गुरुजी यांनी पौरोहित्य केले.

गुरुदत्त संस्थेचे अध्यक्ष अर्जुनराव फडके, फुलचंद रोकडे, पी.बी. शिंदे, बाबुशेठ जोशी, संजय कुलकर्णी, लक्ष्मण काळे, जगन्नाथ गोसावी, प्रा. काकासाहेब लांडे, ओमप्रकाश बाहेती, बन्सीधर पांगरे, सारंगधर म्हस्के, गणेश घोडके, रामनाथ शेकडे, प्रशांत गोसावी आदी याप्रसंगी उपस्थित होते.