बागलकोट (कर्नाटक) येथील आरोग्य विभाग अधिकार्‍याला लाचखोरीच्या प्रकरणी अटक

बागलकोट (कर्नाटक) – बागलकोट जिल्हा आरोग्य आणि कुटुंब कल्याण विभागाचे प्रथम दर्जा साहाय्यक महांतेश निडसनूर यांना लाचखोरीच्या प्रकरणी अटक करण्यात आली आहे. ते जिल्ह्यातील आरोग्य विभागाच्या विविध कार्यालयांमधून टक्केवारीनुसार लाचेची रक्कम वसूल करत होते. वाहतूक भत्त्याच्या संमतीसाठी ही लाच घेण्यात येत होती. ही रक्कम चारचाकीत घालून आणतांना ते पकडले गेले. या गाडीमध्ये ५ लाख ८ सहस्र रुपये सापडले.