भूमी संमत करण्यासाठी निवृत्त सैनिकाकडून लाच मागणार्‍या महसूल निरीक्षकाला अटक

अशा भ्रष्टाचार्‍यांची सर्व संपत्ती जप्त करून त्यांना आजन्म कारागृहात डांबले पाहिजे !

शिड्लघट्टा (कर्नाटक) – शासकीय जमीन संमत करण्यासाठी माजी सैनिकाकडून १ लाख रुपयांची लाच घेतांना महसूल निरीक्षकाला लाचलुचपत प्रतिबंधक खात्याच्या पोलिसांनी अटक केली.

निवृत्त सैनिक दिवाकर यांना सरकारी भूमी संमत करण्यासाठी बशेट्टीहळ्ळीचे महसूल निरीक्षक वेणुगोपाल यांनी ३ लाख रुपये मागितले होते. २ लाख रुपये देण्याचे अंतिम झाल्यावर त्यांतील १ लाख रुपये प्रथम देण्याचे ठरले होते. ही रक्कम शिड्लघट्टाच्या महसूल भवनात दिवाकर यांच्याकडून घेतांना या महसूल निरीक्षकाला रंगेहात अटक करण्यात आली.