सौंदत्तीचे रेणुका मंदिर ११ मासांनंतर भाविकांसाठी खुले

बेळगाव – कोरोना महामारीमुळे गत ११ मासांपासून बंद असलेले सौंदत्तीचे रेणुकादेवीचे मंदिर भाविकांसाठी १ फेब्रुवारीपासून खुले करण्यात आले आहे. सौंदत्ती डोंगरावर प्रतिवर्षीप्रमाणे शाकंभरी पौर्णिमेच्या निमित्ताने २२ जानेवारी या दिवसापासून ९ फेब्रुवारीपर्यंत यात्रा चालणार होती; परंतु ३१ जानेवारीपर्यंत मंदिर बंद ठेवण्याचा निर्णय प्रशासनाने घेतला होता. त्यामुळे यात्रा रहित करण्यात आली होती.