मालाड (मुंबई) येथील ‘आदिपुरुष’ या चित्रपटाच्या सेटला लागलेल्या आगीत संपूर्ण सेट भस्मसात

मुंबई – येथील मालाड भागातील ‘आदिपुरुष’ या चित्रपटाच्या चित्रीकरण स्थळी २ फेब्रुवारी या दिवशी दुपारी आग लागली. ओम राऊत यांच्या दिग्दर्शनात साकारल्या जाणार्‍या या चित्रपटाच्या ‘क्रोमा शूट’साठी मुंबईत सेट उभारण्यात आला होता. अभिनेता सूर्या एका दृश्याचे चित्रीकरण करत होता. तेवढ्यात सेटला आग लागली. आगीची माहिती मिळताच तेथील ५० ते ६० कलाकार आणि कामगारांना सुरक्षितपणे बाहेर काढण्यात आले. त्यामुळे मोठी हानी टळली.

#SaifAliKhan starrer ‘#Adipurush‘ set catches fire, no casualties reported so far.https://t.co/IwlufRGgDo

— Zee News English (@ZeeNewsEnglish) February 2, 2021

आग लागण्याचे कारण लक्षात आलेले नाही. आगीचे स्वरूप मोठे असल्याने तेथील भागात धुराचे लोट पसरले होते. अग्नीशमन दलाने आगीवर नियंत्रण मिळवलेले असले, तरी चित्रपटाचा संपूर्ण सेट भस्मसात झाला आहे.