लाचप्रकरणी शिर्डी येथील २ पोलीस अटकेत

पोलीस खात्यात लाच घेणारे पोलीस असणे, हे पोलीस खात्याला लज्जास्पद !

नगर – येथे १७ ते २५ जानेवारी या कालावधीत शिर्डीतील हॉटेलवर चालू असलेली कारवाई टाळण्यासाठी शिर्डी पोलीस ठाण्यातील बाळासाहेब यशवंत सातपुते आणि प्रसाद पांडुरंग साळवे या २ पोलीस कर्मचार्‍यांना लाच घेतांना नाशिक लाचलुचपत प्रतिबंधक विभागाच्या पथकाने पकडले.

वरील कर्मचार्‍यांनी लाच मागितल्याची तक्रार नाशिकच्या लाचलुचपत प्रतिबंधक विभागाकडे करण्यात आली होती. त्यावरून शिर्डी पोलीस ठाण्यात सापळा रचून या दोघांना २ सहस्र रुपयांची लाच घेतांना कह्यात घेतले. (लाचखोरीच्या प्रकरणात अडकलेले पोलीस जनतेला कायद्याचे मार्गदर्शन काय करणार ? भ्रष्टाचार करणार्‍यांना कठोर शिक्षा होते, हा पायंडा पडला, तरच अशा प्रकारांना आळा बसू शकेल ! – संपादक)