बगदादमध्ये २ आत्मघाती आक्रमणांत २० जणांचा मृत्यू, तर ४० जण घायाळ  

बगदाद (इराक) – इराकची राजधानी बगदादच्या कमर्शियल सेंटरमध्ये झालेल्या २ आत्मघाती आक्रमणांमध्ये २० जणांचा मृत्यू, तर ४० जण घायाळ झाले. घायाळांपैकी अनेकांची प्रकृती चिंताजनक आहे. लोकांची अधिक गर्दी असलेल्या भागांत हे आत्मघाती आक्रमण करण्यात आले. अद्याप कोणत्याही आतंकवादी संघटनेने या आक्रमणाचे दायित्व स्वीकारलेले नाही.