दिव्यांगांनाही (विकलांगांनाही) आनंद देण्यासाठी ‘हेल्पडेस्क’

पणजी – आंतरराष्ट्रीय चित्रपट महोत्सवाचा आनंद दिव्यांग (विकलांग) व्यक्तींनाही घेता यावा यासाठी ‘आंचिम’मध्ये दिव्यांगांसाठी खास ‘हेल्पडेस्क’ कार्यरत असेल, तसेच यंदा ‘एक्सेसिबल इंडिया-एक्सेसिबल चित्रपट’ या विभागात ३ चित्रपट प्रदर्शित केले जाणार आहेत.

प्राप्त माहितीनुसार ‘आंचिम २०२१’ दिव्यांगांसाठी अनुकूल व्हावा, या संदर्भात चर्चा करण्यासाठी ‘गोवा दिव्यांग हक्क संघटने’च्या (‘डॅ्रग’च्या) पदाधिकार्‍यांनी नुकतीच गोवा मनोरंजन संस्थेच्या सरव्यवस्थापक मृणाल वाळके यांची भेट घेऊन त्यांच्याकडे चर्चा केली. ‘आंचिम’चा आनंद सर्वसामान्य व्यक्तींप्रमाणे दिव्यांगांनाही घेता यावा, यासाठी खास व्यवस्था केली जाणार आहे, असे आश्वासन मृणाल वाळके यांनी दिल्याची माहिती ‘ड्रॅग’चे अध्यक्ष एवेलिनो डिसा यांनी दिली आहे.