कोल्हापूर – ‘कोल्हापूर अर्बन को-ऑप. बँके’च्या ६ संचालक प्रशिक्षणासाठी कुलुमनाली दौर्‍यावर गेले असता २ लाख ४६ सहस्र रुपये व्यय आला आहे. याविषयी चौकशी करून १५ दिवसांत सुस्पष्ट अहवाल सादर करण्याचे आदेश जिल्हा उपनिबंधक अमर शिंदे यांनी दिले आहेत.
याविषयी अधिक माहिती अशी की, धनंजयराव गाडगीळ सहकारी प्रबंध संस्था नागूपर यांनी वर्ष २०१७ मध्ये कुलुमनाली येथे आयोजित केलेल्या प्रशिक्षणास बँकेचे संचालक शिरीष कणेरकर, जयसिंग माने, मधुसुदन सावंत, विश्‍वास काटकर, सुभाष भांबुरे आणि यशवंतराव साळोखे गेले होते. प्रशिक्षणाचा कालावधी हा ३ दिवसांचा असतांना ११ दिवस होऊन बँकेचे २ लाख ४६ सहस्र रुपये व्यय करण्यात आले. हे सूत्र लेखापरीक्षणात आल्याने लेखापरीक्षकांनी ठपका ठेवून वाढीव व्यय संबंधित संचालकांनी भरण्याची सूचना केली होती. यानंतरही हे पैसे भरले नसल्याने बँकेचे सभासद उदय मिसाळ यांनी सहकार विभागाकडे तक्रार केल्यानंतर सहकार आयुक्तांनी सदरच्या प्रकरणाची चौकशी करण्याचे आदेश दिले. (प्रशिक्षणाच्या निमित्ताने अथवा अभ्यास दौरे म्हणून अधिकोष, सरकारी विभाग यांचे अधिकारी बाहेरगावी जातात. या दौर्‍यांची फलनिष्पत्ती काय, याचाही आढावा घेण्याची व्यवस्था असल्याविना त्यांचा लाभ कळणार नाही. – संपादक)
बँकेच्या संचालकांना प्रशिक्षण असतांना मुख्य कार्यकारी अधिकारी सुरेश चौगुले हेही सचालकांसमवेत दौर्‍यावर गेले होते. त्यांनाही उत्तरदायी धरण्यात यावे, अशी मागणी उदय मिसाळ यांनी सहकार विभागाकडे केली आहे.
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !
निवडणूक विशेष
श्री भवानीमातेच्या दर्शनाने ‘हिंदू जोडो’ यात्रेच्या जनजागृतीला तुळजापूर येथून प्रारंभ
हद्दपारीचे साधारणत : ५० हून अधिक प्रस्तावही मान्य !