पुण्यात हवाला व्यवहारावर गुन्हे शाखेची कारवाई !

कोट्यवधी रुपयांची रोकड जप्त

पुणे – अवैध गुटखाविक्रीद्वारे प्राप्त केलेल्या मोठ्या रक्कमेची हवाला व्यवहाराच्या माध्यमातून देवाणघेवाण करण्याचा प्रकार गुन्हे शाखेने २ डिसेंबरच्या मध्यरात्री उघडकीस आणला.

या कारवाईत मोठी रोकड जप्त करण्यात आली असून ८-९ जणांना कह्यात घेतले आहे. (अवैध धंद्यावर पोलिसांनी कठोर कारवाई करणे आवश्यक आहे. – संपादक)

पोलिसांनी हवाला व्यवहार करणार्‍या ४ कार्यालयांवर कारवाई केली असून नोव्हेंबरमध्ये लोणी काळभोर परिसरात अवैध गुटखाविक्री प्रकरणात एकाला पकडण्यात आले होते. त्याच्याकडे केलेल्या चौकशीवरून अवैध गुटखाविक्रीतून मिळालेली रोकड हवाला व्यवहारातून संबंधितांपर्यंत पोचवण्यात येत असल्याची माहिती मिळाली होती.