Ram Mandir Donation Theft : श्रीराममंदिर तीर्थक्षेत्र न्यासात काम करणार्‍या २३ कर्मचार्‍यांचे त्यागपत्र

अयोध्या – श्रीराममंदिरातील दान चोरी प्रकरणाशी संबंधित मिळालेल्या नवीन माहितीनुसार मंदिरातील दानाची मोजणी करणार्‍या २३ कर्मचार्‍यांनी एकाच वेळी नोकरी सोडली आहे. या सर्व कर्मचार्‍यांची एका कार्यदायी संस्थेच्या (‘कंत्राटदार एजन्सी’च्या) माध्यमातून मंदिरात नियुक्ती करण्यात आली होती.

१. सूत्रांनी दिलेल्या माहितीनुसार नोकरी सोडलेल्या सर्व कर्मचार्‍यांचे म्हणणे आहे की, दान चोरीच्या वादानंतर मंदिरात अनेक नियमांमध्ये पालट करण्यात आले. एवढेच नाही, तर त्यांचे मानधनही घटवण्यात आले.

२. या सर्व कर्मचार्‍यांनी एकत्र बैठक घेऊन या पालटांना विरोध केला आणि श्रीराममंदिर प्रशासनाच्या अधिकार्‍यांसमोर त्यांच्या मागण्या मांडल्या.

३. त्या वेळी त्यांच्या मागण्या ऐकल्या गेल्या नाहीत. त्यामुळे विरोध म्हणून शेवटी २३ कर्मचार्‍यांनी एकत्र त्यागपत्र दिले.