मुख्यमंत्री देवेंद्र फडणवीस यांच्या वाढदिवसानिमित्त राज्यात महाराजस्व अभियान !

मुंबई, ९ जुलै (वार्ता.) – मुख्यमंत्री देवेंद्र फडणवीस यांचा वाढदिवस आणि दिवंगत अजित पवार यांची जयंती यानिमित्त नागरिकांना केंद्र आणि राज्य शासन यांच्या विविध योजनांचा लाभ मिळावा, यासाठी राज्य शासनाच्या वतीने ‘महाराजस्व’ अभियान राबवले जाणार आहे. प्रत्येक विधानसभा मतदारसंघामध्ये एक भव्य शासकीय शिबीर राबवले जाणार आहे. यासाठी जिल्हा नियोजन समितीमधून प्रत्येक १० लाख रुपये दिले जाणार आहेत. २२, २५ किंवा २६ जुलै या दिवसांतील कोणत्याही एका दिवशी हे शिबीर घेतले जाणार आहे. यामध्ये महिला शेतकर्‍यांना ओळखपत्र देणे, गावठाणांची सनद वाटप हे होणार आहे, अशी माहिती महसूलमंत्री चंद्रशेखर बावनकुळे यांनी ९ जुलै या दिवशी विधानसभेत निवेदनाद्वारे दिली.