१० अब्ज शब्दांचा मराठी शब्दकोश सिद्ध करणार !

अमरावती – राज्यशासनाच्या मराठी भाषा विभागाने १० अब्ज शब्दांचा मराठी शब्दकोश सिद्ध करण्याचा निर्णय घेतला आहे. आतापर्यंत उपलब्ध असलेल्या मराठी शब्दकोशात साधारणपणे दीड लाख शब्दांचा संग्रह आहे. राज्याच्या सर्वांगीण आणि दीर्घकालीन विकासासाठी १५० दिवसांचा विशेष कार्यक्रम राबवण्यात येत आहे. त्याअंतर्गत ‘विकसित महाराष्ट्र, २०४७’ ही संकल्पना राबवण्याच्या दृष्टीने मुख्यमंत्र्यांनी दिलेल्या निर्देशानुसार ‘व्हिजन डॉक्युमेंट’ (दृष्टीपत्र) सिद्ध करण्यात आले आहे. या अंतर्गत १६ क्षेत्रीय गट निवडण्यात आले आहेत. यात ‘सम्यक शक्ती’ या गटांतर्गत ६ विभाग असून मराठी भाषा विभाग हा त्यापैकी एक विभाग आहे. त्या अंतर्गत संस्कृती आणि ज्ञान यांसाठी मराठी भाषेला आधुनिक अन् सर्वसमावेशक भाषा म्हणून सक्षम करण्याचे उद्दिष्ट निश्चित करण्यात आले आहे.

A 10-billion-word Marathi dictionary will be compiled!

Decision by the State Government’s Marathi Language Department!

Objective to strengthen Marathi as a modern and all-inclusive language!

The decision to compile a dictionary to enrich the Marathi language is commendable! pic.twitter.com/TvMHz90Vq1

— Sanatan Prabhat (@SanatanPrabhat) May 31, 2026

मराठी भाषेचे ‘डिजिटायजेशन’ करणे, हा या उपक्रमाचा टप्पा आहे. त्यात छापील पृष्ठांचे स्कॅनिंग करणे, श्राव्य लिखाण संग्रही ठेवणे आणि मराठी नाटकांचे संहिताकरण करणे, तसेच १० अब्ज शब्दांचा मराठी शब्दकोश सिद्ध करणे ही कामे हाती घेण्यात येणार आहे. दुर्मिळ मराठी हस्तलिखिते आणि प्राचीन माहितीचे अद्ययावतीकरण अन् अनुवाद करणे हे उपक्रम राबवण्यासाठी कृती आराखडा निश्चित करण्यात येत आहे.