सिंहस्थ कुंभपर्वात २४ घंटे वीजपुरवठा करणार ! – महावितरण

नाशिक – येथे होणार्‍या सिंहस्थ कुंभपर्वात अखंड वीजपुरवठा करण्याचे महावितरणचे नियोजन आहे. अखंडित वीजपुरवठा करतांना कुठे आपत्काळ उद्भवल्यास त्यासाठी पथके तैनात करण्यात येणार आहेत. महावितरण विशेष नियंत्रण कक्षही चालू करणार आहे. सर्व कामे द्रुतगतीने पूर्ण करण्यावर भर देण्यात येणार आहे. २६५ कोटी रुपयांच्या आराखड्याची कार्यवाही अंतिम टप्प्यात आहे, अशी माहिती महावितरणाचे जनसंपर्क अधिकारी विकास आडे यांनी दिली.