पाणबुडीविरोधी युद्धनौका ‘आय.एन्.एस्. मालवण’ भारतीय नौदलाच्या ताफ्यात समाविष्ट

कोची (केरळ) – ‘आय.एन्.एस्. मालवण’ ही पाणबुडीविरोधी युद्धनौका भारतीय नौदलाच्या ताफ्यात समाविष्ट झाली आहे. नौदलाला अशा ८ पाणबुडीविरोधी युद्धनौका मिळणार आहेत. त्यातील ही दुसरी युद्धनौका आता आहे. या युद्धनौकेवर टॉर्पेडो, बहुउद्देशीय पाणबुडीविरोधी रॉकेट्स आणि प्रगत रडार बसवण्यात आले आहेत. शत्रूच्या पाणबुड्यांचा शोध घेणे आणि त्यांना निष्क्रीय करण्यात सक्षम असलेल्या ‘मालवण’ युद्धनौकेमुळे नौदलाची शक्ती आणखी वाढली आहे.

यापूर्वी भारतीय नौदलात ‘आय.एन्.एस्. मालवण’ नावाने सुरुंग शोधक नौका होती. वर्ष २००३ पर्यंत ती सेवेत होती.