उत्तरप्रदेशात समाजवादी पक्षाच्या कार्यकर्त्याच्या घरी सापडले १ सहस्र ४०० लीटर पेट्रोल आणि डिझेल !

अमेठी (उत्तरप्रदेश) – येथील पुरवा गावात समाजवादी पक्षाचा कार्यकर्ता दयाराम यादव याच्या घरातून अवैधरित्या जमा केलेले इंधन जप्त करण्यात आले. गोपनीय माहितीच्या आधारे पोलीस आणि प्रशासन यांच्या संयुक्त पथकाने घटनास्थळी धाड घालून अनुमाने १ सहस्र ४०० लीटर पेट्रोल आणि डिझेल जप्त केले. ४ निळ्या रंगाचे ड्रम, १ पाण्याची टाकी आणि ४ लहान डबे यांमध्ये अवैधपणे हे भरून ठेवण्यात आले होते. दयाराम यादव माजी मंत्री गायत्री प्रसाद प्रजापती यांचा अत्यंत जवळचा मानला जातो.