‘बजाज पुणे ग्रँड टूर’ या आंतरराष्ट्रीय सायकल स्पर्धेमुळे जिल्ह्यात दर्जेदार रस्त्यांची निर्मिती ! – अजित पवार, उपमुख्यमंत्री

पुणे – ‘बजाज पुणे ग्रँड टूर’च्या तिसर्‍या टप्प्याचा समारोप बारामती येथे झाला. या वेळी विजेत्या सायकलपटूंना मान्यवरांच्या हस्ते पारितोषिक वितरण करण्यात आले. या कार्यक्रमाला विशेष पोलीस महानिरीक्षक सुनील फुलारी, जिल्हाधिकारी जितेंद्र डुडी, पोलीस अधीक्षक, नगराध्यक्ष यांसह अनेक मान्यवर उपस्थित होते.

या स्पर्धेमुळे जिल्ह्यात अडथळे विरहित आणि दर्जेदार रस्त्यांची निर्मिती झाली असून वाहतूककोंडी न्यून होण्यास साहाय्य होत आहे. स्पर्धेमुळे देश-विदेशातील नागरिकांना पुणे जिल्ह्याची ओळख होत आहे. नवोदित खेळाडूंना प्रेरणा मिळावी, त्यांच्यामध्ये खिलाडू वृत्ती आणि स्पर्धात्मकता वाढावी या उद्देशाने ही स्पर्धा आयोजित केली असल्याचे उपमुख्यमंत्री अजित पवार यांनी कार्यक्रमात सांगितले.