अल्पवयीन मुलीवर बलात्कार करतांना गुजराती माणसाचा मुंबईत मृत्यू !

मुंबई – गुजरात येथील ४१ वर्षीय व्यक्तीचा येथील एका हॉटेलमध्ये मृत्यू झाला. हिर्‍यांच्या कारखान्यात तो व्यवस्थापक पदावर काम करत होता. त्याने १४ वर्षीय मुलीला हॉटेलमध्ये बोलवून तिच्यावर लैंगिक अत्याचार केले. पीडित मुलगी त्याच्या समवेत कारखान्यात काम करत होती. पीडित मुलीवर बलात्कार करण्याआधी त्याने स्वतःचे बळ वाढवण्याच्या गोळ्या घेतल्या होत्या. तिच्यावर बलात्कार करत असतांना तो खाली कोसळला. त्याला तातडीने जे.जे. रुग्णालयात नेण्यात आले; पण आधुनिक वैद्यांनी त्याला मृत घोषित केले. या प्रकरणी ‘पॉक्सो’अंतर्गत गुन्हा नोंद केला आहे.