पिंपरी-चिंचवड (पुणे) पोलिसांनी केली ‘सायबर’ गुन्ह्यातील महंमद जुबेर याला अटक !

पिंपरी (जिल्हा पुणे) – दुबई येथील ‘सायबर’ गुन्हेगारांना फसवणुकीची रक्कम स्वीकारण्यासाठी अधिकोेष खाते (बँक खाते) उपलब्ध करून देणार्‍या महंमद जुबेर जावेद चव्हाण याला पिंपरी-चिंचवड ‘सायबर सेल’ने अटक केली आहे. त्याला राजस्थान येथील सिकर जिल्ह्यातून अटक करण्यात आली आहे. त्याने बावधन येथील एका महिलेची २ लाख ४५ सहस्र रुपयांची फसवणूक केली होती. त्याचे अन्वेषण करतांना ‘तांत्रिक विश्लेषणा’तून त्याला अटक करण्यात पोलिसांना यश आले आहे.