उल्हासनगर येथे मद्यधुंद कारचालकाने दिलेल्या धडकेत तिघांचा मृत्यू

३ घायाळ, चालकाला अटक

ठाणे, १९ डिसेंबर (वार्ता.) – उल्हासनगर येथील शांतीनगर भागातील कल्याण-अंबरनाथ मुख्य रस्त्यावर रेमण्ड दुकांनाच्या समोर १८ डिसेंबरच्या पहाटे ५ वाजता मद्यधुंद कारचालक लवेश केवलरामानी यांच्या कारने २ रिक्शांना जोरदार धडक दिली. या अपघातात ओला रिक्शातील सामुदीप जाणा, अंजली जाणा, तसेच दुसर्‍या रिक्शाचा चालक संभु रामअवध चौहान यांचा जागीच मृत्यू झाला. ओला रिक्शाचा चालक जावेद जफर सय्यद आणि अन्य दोघे जण घायाळ झाले आहेत. मध्यवर्ती पोलीस ठाण्याच्या पोलिसांनी कारचालक लवेश केवळरामानी याला अटक करून गुन्हा नोंद केला आहे.