नाशिक येथील स्वयंभू कपालेश्‍वर मंदिरात वस्त्रसंहिता लागू !

(वस्त्रसंहिता म्हणजे मंदिरात प्रवेश करतांना परिधान करायच्या कपड्यांच्या संदर्भातील नियमावली)

नाशिक – गोदाघाट परिसरातील स्वयंभू कपालेश्‍वर महादेव मंदिरात दर्शनाला येणार्‍या भाविकांसाठी वस्त्रसंहिता लागू करण्यात आली आहे. यासंदर्भातील फलक मंदिर परिसरात लावण्यात आले आहेत.

देशभरात कपालेश्‍वर महादेव हे एकमेव मंदिर आहे, ज्या ठिकाणी शिवासमोर नंदी नाही. येथे प्रत्यक्ष शिवाला ब्रह्महत्येच्या दोषापासून मुक्तता मिळाल्याची आख्यायिका आहे. या निर्णयामुळे मंदिर विश्‍वस्तांचे शहरात विविध स्तरांवरून कौतुक होत आहे. भाविकांचाही याला सकारात्मक प्रतिसाद लाभत आहे.