देशातील सर्वाधिक ५५ प्रदूषित नद्या महाराष्ट्रात !

• केंद्रीय प्रदूषण नियंत्रण मंडळाचा अहवाल !

• देशातील ६०३ नद्यांपैकी ३११ नद्यांचे पाणी प्रदूषित !

उद्योगाचे सांडपाणी नद्यांमध्ये !

सर्व उद्योगांना प्रदूषण नियंत्रण यंत्रणा लावणे कायद्याने बंधनकारक आहे. तरीही नद्या प्रदूषित होतात; कारण उद्योजक प्रदूषण नियंत्रण यंत्रणा एकतर लावत नाहीत, लावली तर त्या सतत चालू ठेवत नाहीत. प्रदूषण मंडळाचे याकडे लक्ष नाही किंवा तिथे भ्रष्टाचार होतो. सांडपाणी अलीकडे उद्योगापेक्षा गावे, महापालिका आणि महानगरपालिका क्षेत्रांतून निघणारे सांडपाणी हे बहुतेक नद्या प्रदूषणास कारणीभूत आहे. या सांडपाण्यात मोठ्या प्रमाणावर तेल, डिटर्जंट, विविध जड धातू, रसायने, शहरातील नाल्यावाटे वहात आलेला प्लास्टिक किंवा जैविक कचरा असतो. शेतीमधील कीटकनाशके, रासायनिक खते, प्राण्यांची विष्ठा आणि जैविक कचरा नद्यांच्या सर्वसाधारण प्रदूषणात मोठ्या प्रमाणावर भर घालतो.

संपादकीय भूमिका

• कारखान्यांना सांडपाणी सोडण्यास बंदी न घालणार्‍या प्रदूषण नियंत्रण मंडळाने केवळ असे प्रदूषणाचे अहवाल देऊन काय उपयोग ? प्रदूषण करणार्‍यांवर कारवाई करण्यास ते भाग का पाडत नाही ?
• प्रदूषण नियंत्रण मंडळातील भ्रष्टाचाराचे आणि कामचुकारपणाचे प्रदूषण दूर झाल्यास देशातील नद्या स्वच्छ होतील !
• सामाजिक जाणिवांच्या अभावामुळे नद्या स्वच्छ ठेवायला हव्यात, असे ना जनतेला वाटते ना प्रशासनाला, हे दुर्दैवी !