शिवसेनेच्‍या आमदारांच्‍या पात्रतेविषयीची सुनावणी !
मुंबई – शिवसेनेच्‍या आमदारांच्‍या पात्रतेविषयी २१ नोव्‍हेंबर या दिवशी विधानसभेचे अध्‍यक्ष अधिवक्‍ता राहुल नार्वेकर यांच्‍यापुढे विधानसभेत सुनावणी झाली. या वेळी एकनाथ शिंदे यांच्‍या गटाकडून कागदपत्रे सादर करण्‍याची मुदत वाढवून मागितली. अध्‍यक्षांनी त्‍यांना २४ नोव्‍हेंबरपर्यंत मुदत वाढवून दिली आहे. उद्धव ठाकरे यांच्‍या गटाकडून कागदपत्रे जमा केली. ठाकरे गटाचे आमदार सुनील प्रभु यांची साक्ष नोंदवून घेण्‍यात आली. शिंदे गटाकडून अधिवक्‍ता महेश जेठमलानी आणि ठाकरे गटाकडून अधिवक्‍ता देवदत्त कामत यांनी अध्‍यक्षांपुढे बाजू मांडली. सुनावणीच्‍या वेळी दोन्‍ही अधिवक्‍त्‍यांनी एकमेकांवर वैयक्‍तिक टीकाटिपणी केली. याविषयी अध्‍यक्ष राहुल नार्वेकर यांनी अप्रसन्‍नता व्‍यक्‍त केली. शिवसेनेच्‍या उद्धव ठाकरे गटाकडून शिंदे गटाच्‍या आमदारांना अपात्र करण्‍यासाठी सर्वोच्‍च न्‍यायालयात याचिका करण्‍यात आली होती. दोन्‍ही गटांकडून एकमेकांच्‍या विरोधात याचिका केल्‍या होत्‍या. या प्रकरणी सर्वोच्‍च न्‍यायालयाने विधानसभा अध्‍यक्षांपुढे सुनावणी घेण्‍याचा आदेश दिला आहे. त्‍यानुसार ही सुनावणी चालू आहे.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्‍यात आलेली विशेष रूपातील पूजा !