मुंबई – राज्यातील पिवळ्या आणि केशरी शिधापत्रिका धारक कुटुंबात जन्माला आलेल्या मुलीला राज्यशासन ‘लेक लाडकी’ योजनेद्वारे १ लाख १ सहस्र रुपये अर्थसाहाय्य देणार आहे. १० ऑक्टोबर या दिवशी मुख्यमंत्री एकनाथ शिंदे यांच्या अध्यक्षतेखाली झालेल्या मंत्रीमंडळाच्या बैठकीत या निर्णय संमत करण्यात आला. अर्थमंथी देवेंद्र फडणवीस यांनी अर्थसंकल्पीय भाषणात ‘माझी कन्या भाग्यश्री’ ही योजना घोषित केली होती. या योजनेच्या अंतर्गत ‘लेक लाडकी’ या योजनेतून हा निधी दिला जाणार आहे. यामध्ये गरीब कुटुंबात मुलीचा जन्म झाल्यावर ५ सहस्र रुपये, मुलगी इयत्ता पहिलीत गेल्यावर ६ सहस्र रुपये, ६ वीत गेल्यावर ७ सहस्र रुपये, ११ वीत गेल्यावर ८ सहस्र रुपये आणि १८ वर्षे पूर्ण झाल्यावर ७५ सहस्र रुपये इतके अर्थसाहाय्य दिले जाणार आहे. १ एप्रिल २०२३ नंतर जन्म झालेल्या मुलींना हा लाभ मिळणार आहे. पहिल्या २ अपत्यांना हा लाभ मिळणार आहे. जुळ्या मुली असल्यास दोन्ही मुलींना स्वतंत्रपणे या योजनेचा लाभ मिळणार आहे. या लाभासाठी कुटुंबाचे वार्षिक उत्पन्न १ लाख रुपयांपेक्षा अल्प असावे.
सनातन प्रभात > Location > आशिया > भारत > महाराष्ट्र > गरीब कुटुंबातील मुलीसाठी राज्यशासन १ लाख रुपये देणार !
गरीब कुटुंबातील मुलीसाठी राज्यशासन १ लाख रुपये देणार !
नूतन लेख
- PEN NO For Goa Students : गोव्यात पूर्व प्राथमिक ते १२ वी पर्यंतच्या विद्यार्थ्यांना मिळणार ‘परमनंट एज्युकेशन नंबर’ ! – शिक्षण खात्याचा निर्णय
- उद्धव ठाकरे यांनी घेतले श्री महालक्ष्मीदेवीचे दर्शन !
- Loksabha Elections 2024 : गोव्यात ८८ आदर्श, ८० पर्यावरणपूरक आणि ४० ‘पिंक’ मतदान केंद्रे
- Boycott Loksabha Elections 2024 : ग्रामस्थांनी निवडणुकीच्या प्रचारावर बंदी घातल्यानंतर शिरवल (सिंधुदुर्ग) गावातील रस्त्याच्या कामाला प्रारंभ !
- Mumbai HC Slams Goa Govt : सरकारच्या अनास्थेमुळे सरकारी भूमीवर अतिक्रमण करणे सहजतेने शक्य ! – उच्च न्यायालयाचे सरकारवर ताशेरे
- १० मे या दिवशी कल्याण येथे पंतप्रधान येणार असल्याने रस्त्यांची दुरुस्ती