ठाणे येथे उद़्‍वाहनाचा दोर तुटून ७ कामगारांचा मृत्‍यू !

ठाणे, ११ सप्‍टेंबर (वार्ता.) – येथील बाळकुम परिसरात असलेल्‍या रुणवाल आयरीन या ४० मजली इमारतीचे बांधकाम नुकतेच पूर्ण झाले आहे. इमारतीच्‍या छतावर जलरोधकासाठी (‘वॉटरप्रूफिंग’चे) काम चालू होते. १० सप्‍टेंबरच्‍या सायंकाळी ७.३० वाजताच्‍या सुमारास हे काम संपवून कामगार खाली येत होते. त्‍याच वेळी उद़्‍वाहनाचा (‘लिफ्‍ट’चा) दोर तुटून ३५ ते ४० वयोगटातील ७ कामगारांचा दुर्दैवी मृत्‍यू झाला आहे. या अपघातात १ कामगार गंभीररित्‍या घायाळ झाला असून त्‍याच्‍यावर खासगी रुग्‍णालयात उपचार चालू आहेत. पोलीस या प्रकरणी अधिक अन्‍वेषण करत आहेत.