दीनांचा त्राता, गुरु मुक्‍तीदाता !

आमचे पाप-ताप हरण करणारे दु:खहर्ता ।
सकल जनांसी प्रसन्‍न करणारे सुखकर्ता ।
तुम्‍ही विश्‍वातील सकल दीनांचे त्राता ।
आणि प्रत्‍येक प्राणीमात्राचे जीवनदाता ॥ १ ॥

तुमच्‍या अंत:करणातून वहाते गंगेसारखी निर्मळता ।
तुमच्‍या दृष्‍टीक्षेपातून अनुभवतो मातेप्रमाणे ममता ॥
तुमची भक्‍तवत्‍सलता अनुभवून वाटे आम्‍हासी धन्‍यता।
तुमच्‍या स्‍मरणमात्रे होते अंतर्मनाची शुद्धता ॥ २ ॥

तुमच्‍यात आहे पृथ्‍वीसारखी सहनशीलता आणि स्‍थिरता ।
आणि पाण्‍याप्रमाणे आहे पवित्रता आणि निर्मळता ॥
तुमच्‍यात आहे सागराप्रमाणे विशालता ।
आणि निळ्‍याभोर आकाशाप्रमाणे व्‍यापकता ॥ ३ ॥

तुम्‍हीच आमचे प्राणदाता ।
तुम्‍हीच आमचे भाग्‍यविधाता ॥
तुम्‍हीच अखिल विश्‍वाची माता ।
तुम्‍हीच सकल विश्‍वाचे विश्‍वविधाता ॥ ४ ॥

तुम्‍ही ब्रह्मचैतन्‍याचे दाता ।
श्रीनारायणस्‍वरूपी अन्‍नदाता ॥
तुम्‍हीच आमचे शिवमय ज्ञानदाता ।
तुम्‍हीच त्रिदेवरूपी महान विश्‍वदेवता ॥ ५ ॥

श्रीगुरूंच्‍या सेवेने दूर होते मनाची मलीनता ।
आणि श्रीगुरुस्‍मरणाने वाढते मनाची शुद्धता ॥
श्रीगुरुकृपेने दूर होते नैराश्‍य आणि उदासीनता ।
श्रीगुरुकृपेने लाभते चंचल मनासी स्‍थिरता ॥ ६ ॥

श्रीगुरुकृपेने जागृत होते हिंदु राष्‍ट्राप्रतीची अस्‍मिता ॥
श्रीगुरुकृपेने वाढते हिंदु धर्माप्रतीची समर्पितता ।
श्रीगुरुसेवा केल्‍याने वाढते निरपेक्षता ॥
श्रीगुरुकार्य करण्‍यासाठी लाभते आम्‍हा कार्यतत्‍परता ॥ ७ ॥

देवगणांहूनी श्रेष्‍ठ आहे तुमची श्रेष्‍ठता ।
ऋषींप्रमाणे झळकते तुमची विद्वत्ता ॥
तुम्‍ही दु:खातून तारणारे आमचे त्राता ।
सर्वज्ञ असूनही तुमच्‍या ठायी विलसते विनम्रता ॥ ८ ॥

ब्राह्मतेजाने युक्‍त आहे तुमची विद्वत्ता ।
क्षात्रतेजाने संपन्‍न आहे तुमची वीरता ॥
सर्वांंमध्‍ये शोभून दिसते तुमची दिव्‍यता ।
ब्रह्मांडाला व्‍यापून आहे तुमची भव्‍यता ॥ ९ ॥

तुम्‍ही साधकांची माता आणि पिता ।
ज्ञान, भक्‍ती आणि ऐश्‍वर्य यांचे तुम्‍हीच दाता ॥
तुम्‍ही सकलांचा उद्धार करणारे मुक्‍तीदाता ।
हृदयी चिरंतन वास करणारे तुम्‍ही मोक्षदाता ॥ १० ॥

देवगुरु बृहस्‍पतीहून प्रखर असे तुमची प्रगल्‍भता ।
सूर्याहून तेजस्‍वी असे तुमची दिव्‍यता ॥
तुमच्‍या सत्‍संगात लाभते चंद्राहूनही अधिक शीतलता ।
तुमच्‍या ओजस्‍वी वाणीतून अखंड वहाते मधुरता ॥ ११ ॥

गंगेहूनही पवित्र असे तुमच्‍या शुद्ध मनाची पवित्रता ।
कामधेनूहूनही श्रेष्‍ठ आहात तुम्‍ही सर्व दाता ॥
तुमच्‍या कृपेने लाभते आम्‍हास आध्‍यात्मिक प्रगल्‍भता ।
विश्‍वातील ब्रह्मज्ञानाने परिपूर्ण आहे तुमची सर्वज्ञता ॥ १२ ॥

श्रीगुरुकृपेविना आमच्‍या जीवनात आहे अपूर्णता ।
श्रीगुरुकृपेनेच लाभते आमच्‍या जीवनास पूर्णता ॥
श्रीगुरुस्‍मरणात लाभली आम्‍हास तल्लीनता ।
श्रीगुरुकृपेनेच लाभली या जीवनास सार्थकता ॥ १३ ॥

श्रीगुरूंविषयी वाटते आम्‍हास अत्‍यंत आत्‍मीयता ॥
श्रीगुरुचरणांशी एकरूप होण्‍यास लाभो आम्‍हास पात्रता ।
श्रीगुरुवचन समजण्‍यास वाढू दे आमची योग्‍यता ।
श्रीगुरुकृपेने दूर होवोत आमच्‍यातील सर्व न्‍यूनता ॥ १४ ॥

श्रीगुरूंना पहाण्‍यासाठी वाढली माझी व्‍याकुळता ।
श्रीगुरूंच्‍या दर्शनाची लागली मजला आतुरता ॥
श्रीगुरुभेटीसाठी दाटली माझी उत्‍कटता ।
श्रीगुरूमाऊलीला पाहून वाटे मजला धन्‍यता ॥ १५ ॥

श्रीगुरूंप्रती शिष्‍यांची पाहून भावुकता ।
माझ्‍या अंतरी जागृत झाली आर्तता ।
श्रीगुरूंचे ऋण फेडण्‍यासाठी आहे माझी असमर्थता ।
तरीही श्रीगुरुदेवांच्‍या चरणी अर्पिते भावपूर्ण कृतज्ञता ॥ १६ ॥

– कु. मधुरा भोसले (आध्‍यात्मिक पातळी ६५ टक्‍के), सनातन आश्रम, रामनाथी, गोवा. (४.७.२०२३)