मी हात जोडून विनंती करतो, ‘द केरल स्टोरी’ बघा ! – अभिनेते शरद पोंक्षे

मुंबई – ‘द केरल स्टोरी’ चित्रपट पाहिल्यानंतर मला रात्रभर झोप लागली नाही. चित्रपटातील दृश्ये सतत डोळ्यांपुढे येत होती. भारतातील प्रत्येकाने हा चित्रपट पहायला हवा. अनेक जण या चित्रपटाला विरोध करत आहेत. मी हात जोडून सगळे पालक आणि स्त्रिया यांना विनंती करतो की, एकदातरी ‘द केरल स्टोरी’ बघा, असे आवाहन ज्येष्ठ अभिनेते शरद पोंक्षे यांनी केले.

ते पुढे म्हणाले, ‘‘हा चित्रपट पाहून मनात अनेक प्रश्न उद्भवतात. आपल्या संस्कृतीविषयी अनभिज्ञ असल्याचा लाभ उठवत जिहादी आपला बुद्धीभेद (ब्रेनवॉश) करण्यात यशस्वी होत आहेत, हे या चित्रपटात दाखवण्यात आले आहे. अशा प्रकारच्या चित्रपटाची निर्मिती करून निर्माते आणि दिग्दर्शक यांनी मोठे धारिष्ट्य दाखवले आहे.’’