जम्मू-काश्मीरमध्ये सैन्याचे हेलिकॉप्टर कोसळून एका वैमानिकाचा मृत्यू, तर दुसरा घायाळ

संपत्काळात अशा प्रकारचे अपघात होणे अपेक्षित नाही. अशा घटना होऊ नयेत; म्हणून युद्धपातळीवर प्रयत्न करणे आवश्यक ! – संपादक 

श्रीनगर (जम्मू-काश्मीर) – गुरेज सेक्टरमध्ये भारतीय सैन्याचे ‘चिता’ हेलिकॉप्टर कोसळून झालेल्या अपघातामध्ये एका वैमानिकाचा मृत्यू झाला, तर दुसरा घायाळ झाला. गुरेज भागात गुजरा नाला भागात हे हेलिकॉप्टर गस्तीवर होते. हिमाच्छादित भागात हे  हेलिकॉप्टर कोसळले आहे. हेलिकॉप्टर अचानक झालेल्या तांत्रिक बिघाडामुळे ते कोसळले असल्याची शक्यता व्यक्त केली जात आहे.