अमरावती पोलिसांनी ३४ गोवंशियांचे प्राण वाचवले !

सर्वत्रच्या पोलिसांनी अमरावती पोलिसांचा आदर्श घ्यावा ! – संपादक 

अमरावती, १९ जानेवारी (वार्ता.) – मध्यप्रदेशातून लालखडी रोड येथे ३४ गोवंशियांना कत्तलीसाठी नेण्यात येत होते. या गोपनीय माहितीच्या आधारे अमरावती पोलिसांनी दाटीवाटीने गोवंश भरलेला ट्रक पकडला; मात्र चालक पसार झाला. दस्तुर नगर गोरक्षण संस्थेचे श्री. किशोर टवलारे, काळजीवाहक नंदू दिवे, डॉ. सुमित, डॉ. वाघमारे यांनी सर्व गोवंश ट्रकमधून सुरक्षित बाहेर काढून दस्तूरनगर गोरक्षणच्या स्वाधीन केला.